Konsert med Solveig Leithaug!

Solveig Leithaug skal syngja saman med prosjektkoret og Edvard Mjanger på kontrabass, fredag 28.september kl.19.30 i Haga kyrkje. Kom og høyr!

Fredag  28. september kl. 19.30 i Haga kyrkje.

Salg av billettar ved inngangen. (Det går også an å Vippse).

Billettprisar:
Vaksne: 250 kr
Born (5-16 år): 100 kr
Familie: 500 kr.

Songartisten Solveig Leithaug er opprinneleg frå Frekhaug, men har for fleire år sidan flytta til USA, der ho driv som profesjonell kristen artist. Sjølv om ho til vanleg bur i Nashville, Tennesse, er ho ofte på turné i Noreg.

Stilen hennar er svært variert og spenner får stillferdige viser og enkle lovsongar med eige gitarakkompagnement til lett country-/rockprega songar. Ho har heile 15 soloalbum (!) bak seg, inkludert hennar nyaste album og 3 populære CD-ar med barnesongar. Den amerikanske låtskrivaren Gloria Gaither seier om Solveig og hennar songar: «Songane hennar talar rett til hjarta og sjel - som latteren frå eit lite barn» Sjølv seier ho mellom anna dette om sitt overordna mål som artist: «Anten eg syng med band, fullt orkester og kor, eller åleine med gitaren min, har det alltid vore mi bøn at songane og musikken skal vera ei bru av håp til dei som lyttar, og formidla kontakt med Skaparen deira.» (Går du inn på www.solveigmusic.com kan du lesa meir.) Mange av songane hennar er og å finna på Spotify, Itunes og You Tube.

Saman med Solveig, skal koret syngja 8 songar - 4 på norsk og 4 på amerikansk. Her er det kjende songar som: «Eg ber for Norge», "Di trufaste hand», "Lys i et vindu» og «Heilt til himlen». Frå det nyaste albumet «Time» skal me syngja 4 songar. Desse 4 er på amerikansk. Ho skal også syngja nokre songar aleine, utan koret.

På denne konserten har Solveig Leithaug med seg Edvard Mjanger på kontrabass:






















Dette gler me oss verkeleg til! Vonar mange vert med og høyrer på!